🗒️ Random Quote dah belh a ni. Hei hi app settings aṭangin duh chuan ON/OFF theih a ni.
✔ AI-in example a siam a hma aiin hriatthiam a awlsam tawh zawk. Tin, kan thu zawn kha awmze hrang hrang nei a nih chuan AI pawhin a awmze hrang ṭheuhin example/sentence a rawn siam tawh ang.
✔ JF scramble game-ah a zawna chhan dikin (streak bonus) points a hma aiin a pung tawh bawk.
✔ Inrinni apiangin JF scramble game Top 3 players-te 🏅 hming JF hmangtute zawng zawngin an hmu ang.
✔ Android 16 support.

Ni 3 chhung JF AI buaipui a nih hnuah tunah chuan pangngai takin android app pawh a hman leh theih tawh a. AI dah belh a nih hnu hi chuan mi tam takin a rualin example siamna hmet ta se buai chuang lovin AI hian a rawn siam zung zung thei tawh tura ngaih a ni.

JF Dictionary android app hi hmangtu an tam ve ṭhin em avangin thu hrilhfiahna hnuaia AI hmanga example siamna leh english hrilhfiahna en theihna hi a chang chuan a en theih loh (fail) ṭhin a. Hemi harsatna sukiang tur hian tunah hian AI dah belh leh a ni a, amaherawhchu AI dah tharah hian english hrilhfiahna zawk hi duhthusamin a la rawn pe dik thei lo deuh a, in mi hriatthiamna ka rawn dil e.

JF Dictionary chungchanga dik lo emaw hriatchian duh nei chuan JF App menu vei lama Report Error/Contact tih aṭang khan biak theih reng ka ni e. JF Dictionary min lo hlutsaka min lo hmansaktute in chungah lawmthu ka sawi e 🙏

- Lalsangpuia Ralte